ნამახვანჰესის მოწინააღმდეგეთა აქციის ერთ-ერთი ორგანიზატორის, ვარლამ გოლეთიანის განცხადებით, რიონის მცველები უსამართლობის წინააღმდეგ პროტესტს ყოველ დღეს ხმაურით გამოხატავენ მანამ, სანამ მათი მოთხოვნები არ დაკმაყოფილდება.
,, ამ ფორმით გამოვხატავთ პროტესტს უსამართლობის წინააღმდეგ. ბარიკადი, რომელიც დგას გზაზე, რომელზე გადაადგილების უფლება აქვს ამ ქვეყანაში ყველას, ჩვენთვის არის შეზღუდული მხოლოდ, ვინც ამ პროტესტში ვმონაწილეობთ. ჩვენი სახლები, ამ ბარიკადის იქეთაა და მე არ მაქვს ახლა შესაძლებლობა იმის, რომ წავიდე ჩემს სახლში. უფრო დიდი უსამართლობა და ადამიანის ფუნდამენტალური უფლებების დარღვევა რა შეიძლება იყოს, ვიდრე არის ეს და ეს პროცესი და ეს ბარიკადი. ჩვენ ვფიქრობთ, რომ ხელისუფლებისთვის ცუდ ადგილზე მიმყვანი არის ასეთი დამოკიდებულება მოსახლეობის მიმართ. აქ ვიდგებით ყოველ დღე, ყოველ დღე იქნება ეს ამბავი აქ და არავის არ მობეზრდება - ამაში დარწმუნებული იყოს ნამდვილად, ყოველ შემთხვევაში, სახელისუფლებო მხარე მინიმუმ მაინც“ _ ამბობს ვარლამ გოლეთიანი.
