შინაგან საქმეთა სამინისტროს ინფორმაციით, რიონის მცველებსა და სამართალდამცველებს შორის დაპირისპირებისას რვა პირი დააკავეს. უწყების ცნობით, აქტივისტები ადმინისტრაციულ სამართალდარღვევათა კოდექსით გათვალისწინებული კანონმდებლობით დააკავეს.
მანამდე შსს-ს განცხადება გაავრცელა, სადაც აქციის მონაწილეებს მოუწოდებდა დაეცვათ კანონის მოთხოვნები და შეენარჩუნებინათ სიმშვიდე, წინააღმდეგ შემთხვევაში პოლიცია იმოქმედებდა მისთვის მინიჭებული მანდატის ფარგლებში და რეაგირებას მოახდენდა კანონდარღვევის ნებისმიერ ფაქტზე.
სოფელ გუმათთან პოლიციასა და აქციის მონაწილეებს შორის დაპირისპირება მოხდა. აქტივისტები რკინის ჯებირზე ხელებს ურტყამდნენ და ამ ფორმით პროტესტს გამოხატავდნენ. მათ ბარიკადების მეორე მხარეს გადასვლა სურდათ, თუმცა პოლიციამ მათ გადაადგილების საშუალება არ მისცა.
