,,6 საათი ვიჯექი ამნისტიის კანონის განხილვაზე. ამასობაში გამოქვეყნდა სტატისტიკის დეპარტამენტის მონაცემები, რომლის მიხედვით, 800 ათასი ადამიანი ცხოვრობს უკიდურეს სიღატაკეში. ამ ხალხს აინტერესებს ამნისტიის კანონი, ვის შეეხება და ვის არა?" - განაცხადა ტვ პირველის ეთერში პარტია მოქალაქეების ლიდერმა, ალეკო ელისაშვილმა. მისი თქმით, ხალხის პრობლემებზე უნდა ვლაპარაკობდეთ და ვმსჯელობდეთ გამუდმებით პოლიტიკოსები და არა რაღაც გამოგონილ პრობლემებზე.
- ისეთივე მონდომებით, როგორი მონდომებითაც ამნისტიის კანონზე ვმუშაობდით, ხალხის პრობლემებზე რომ ვმუშაობდეთ, ტელე ეთერებში ვლაპარაკობდეთ, ძალიან კარგი იქნებოდა. თუმცა ამაზე არ ვსაუბრობთ და ჩვენი დრო მიაქვს მეათე ხარისხოვან პრობლემებს. ექვსი საათი ვიჯექი ამნისტიის კანონის განხილვაზე, აგერ, საქსტატმა გამოაქვეყნა გულის გამხეთქავი ინფორმაცია, ქვეყანაში 800 ათასი ადამიანი ცხოვრობს უკიდურეს სიღატაკეში, მაგრამ ამაზე არ ვლაპარაკობთ. ამნისტიის კანონი ვის შეეხოს და ვის არა, ამაზე მიდის გაუთავებელი ლაპარაკი. არ მაინტერესებს ვინ შევა, ვინ გამოვა, ვის შეეხება, ვის არა, ხალხის რეალურ პრობლემებზე ვილაპარაკოთ! - განაცხადა ალეკო ელისაშვილმა.

ფოტო: facebook