ალეკო ელისაშვილი საწვავის ფასის კატასტროფულ ზრდას ეხმაურება და ამბობს, რომ ამ პანდემიის და ეკონომიკური გაჭირვების დროს, საწვავზე ფასების მატება, კიდევ უფრო მძიმე მდგომარეობაში აყენებს მოსახლეობას. მისი თქმით, ხელისუფლებამ კეთილი უნდა ინებოს და და აქციზის და სხვა ტიპის გადასახადებს გადახედოს.
- ძალიან მძიმე მდგომარეობაა, მართალია ყველას შეგვეხო საწვავის ასეთი კატასტოფული ზრდა, მაგრამ განსაკუთრებით ცუდ დღეშია რეგიონის მოსახლეობა. ხვნა-თესვის პერიოდია და ახლა საწვავზე ფასის მატება უმძიმეს დარტყმას აყენებს სოფლის მოსახლეობას. გამოვა მერე ოცნების ზოგიერთი დეპუტატი და წუხილით ამბობს, დაუმუშავებელი დარჩა მიწებიო. როგორ დაამუშავოს გლეხმა მიწა, როცა საწვავი თითქმის 3 ლარი გახდა? ამიტომ, კეთილი ინებოს ხელისუფლებამ და გადახედოს აქციზის გადასახადს. ამ ხვნა-თესვის დროს მაინც შეამციროს და შეაძლებინოს ხალხს მიწების დამუშავება. ლარს ესენი ვერ ამყარებენ და ეს ხომ მაინც შეუძლიათ? - განაცხადა პარტია მოქალაქეების ლიდერმა.
ფოტო: facebook
