გიგა ოთხოზორიას მკვლელობიდან 5 წელი გავიდა. პარტია მოქალაქეების ლიდერი ალექსანდრე ელისაშვილი, ამ ფაქტს საკუთარი ფეისბუქ გვერდზე ეხმაურება და ქართულ სპეცსამსახურებს აკრიტიკებს. მის სტატუსს უცვლელად გთავაზობთ:
,,5 წელი გავიდა გიგა ოთხოზორიას მკვლელობიდან. 5 წელია ლაღად დადის და ცხოვრებით ხარობს გარეწარი კანჯიდ ოღლი. წესით მისი და არჩილ ტატუნაშავილის მკვლელების ფეხქვეშ მიწა უნდა იწვოდეს. ყოველი დღე შიშში და დასჯის მოლოდინში უნდა ცხოვრობდნენ ის ნაძირლები. საქართველო ვერასოდეს იქნება ნორმალური სახელმწიფო სანამ ის მკვლელი გარეწრები დაუსჯელად დადიან! არ მესმის აუღელვებლად როგორ საქმიანობენ ჩვენი სპეცსამსახურები ან ხელფასს როგორ იღებენ თვითადან თვემდე უდტრვინველად როდესაც საქართველოს მოქალაქეების უმოწყალო მკვლელები არ დასჯილან! ოთხოზორიას და ტატუნაშვილის მკვლელების დაუსჯელობა არის სირცხვილი ქართული სახელმწიფოსი და ქართული სპეცსამსახურების!"
შეგახსენებთ, რომ ოკუპირებული გალის რაიონიდან დევნილი გიგა ოთხოზორია, რომელიც ზუგდიდში ცხოვრობდა, 2016 წელს, ცეცხლსასროლი იარაღით მოკლა ე.წ. მესაზღვრემ რაშიდ კანჯი ოღლიმ. ტრაგედია, რომელსაც თვითმხილველები ჰყავს, ოკუპირებული გალის რაიონის სოფელ ნაბაკევთან მოსაზღვრე ზუგდიდის მუნიციპალიტეტის სოფელ ხურჩაში მოხდა.

ფოტო: facebook