პარლამენტის წევრმა, ალეკო ელისაშვილმა, ტ/კ ,,ფორმულას" ეთერში პარლამენტში მიმდინარე პროცესებზე ისაუბრა.მან ასევე აღნიშნა, რომ ნიკა მელიასთან გაუგებრობა ამოწურულია და თუ ნაციონალური მორაობა, პარლამენტში, ქვეყნისთვის სასიკეთო კანონპროექტს შემოიტანს, მისი მხარდაჭერა ექნება.
,,შვიდი თვე ქვეყანამაც ტყუილად დაკარგა და თავად ნაციონალურმა მოძრაობამაც. თუ ისინი ქვეყნისთვის სასიკეთო კანონპროექტს შემოიტანენ, რა თქმა უნდა, მხარს დავუჭერთ. ჩვენ რისთვისაც შემოვედით პარლამენტში, ესაა საქმის კეთება და ამას ვამტკიცებთ ყოველდღიურად. ჩაწიკწიკებულ საარჩევნო კანონზე რომ დამცინოდნენ, პირველივე მოსმენით გავიდა და ყველა ოპოზიციურმა პარტიან დაუჭირა ამ ჩაწიკწიკებულ კანონპროექტს მხარი. თქვენ ასევე ნახეთ, რომ მოვასწარით და გავიტანეთ ძალიან მნიშვნელოვანი პროექტი, რომელიც პირდაპირ ეხება ადამიანების სიცოცხლეს. მკაცრდება კანონი ნასვამი მძღოლებისთვის, რადგან გვაქვს ჯოჯოხეთური სტატისტიკა გზებზე ავტოავარიების მხრივ. ასევე საპენსიო სესხების პროცენტების დაწევაზე ვმუშაობთ და ამ საქმეს ბოლომდე მივიყვანთ. აქ ჩვენ ბიზნესების გაყოფაზე კი არა, მხოლოდ საქმეზე ველაპარაკებით ოცნებას. რასაც ვლაპარაკობდით, იმაზე მეტი გავაკეთეთ ორმა კაცმა და კიდევ უფრო მეტს გავაკეთებთ. - განაცხადა პარტია ,,მოქალაქეების" ლიდერმა.

ფოტო: facebook