პოლიტიკურმა პარტიებმა ადაგილობრივი არჩევნებისთვის მზადება უკვე დაიწყეს. ყველაზე დიდი საარჩევნო ბრძოლა, რა თქმა უნდა, თბილისის მერობისთვის გაიმართება.ქალაქში უკვე გამოჩნდა კახა კალაძის ბანერები, სავარაუდოდ მალე მელიას სურათებიანი ბილბორდებიც გამოჩნდება. მიუხედავად იმისა, რომ პარტია ,,ალეკო ელისაშვილი - მოქალაქეები“ მხოლოდ თბილისის საკრებულოში ადგილების მოსაპოვებლად იბრძოლებენ და მერობის კანდიდატი არ ეყოლებათ, თავიანთთვის დამახასიათებელი, უცნაური საარჩევნო კამპანია უკვე დაიწყეს. როგორც გახსოვთ, გასულ საპარლამენტო არჩევნებზე, ,,მოქალაქეებმა“ საარჩევნო ბანერზე ელისაშვილის და იოსელიანის ტელეფონის ნომრები გამოაქვეყნეს და კამპანია - ,,ალეკო და ლევანი გისმენთ“ წამოიწყეს, რითაც მოსახლეობას საშუალება ჰქონდა პირდაპირი კავშირი ჰქონოდათ პარტიის ლიდერებთან. ეს მიმართულება უცხო იყო ქართველი ამომრჩევლისთვის და როგორც პიარის სპეციალისტებმა აღნიშნეს, ამ სვლამ საკმაოდ გაამართლა. ,,მოქალაქეებმა ამ არჩევნმებზე ისევ შემოგვთავაზეს უცნაური კამპანია. ქალაქში უკვე გამოჩნდა ბილბორდი წარწერით: ,,კახა, რაო ბიძნამ ლაგუნაზე?“ რითაც ხელისუფლებას და მოსახლეობას შეახსენა კალაძის დაპირება, ლაგუნას რეაბილიტაციის შესახებ. ასევე გამოჩნდა მეორე ბანერი, უკვე ნიკა მელიასთან შეკითხვით: ,,ნიკანორ, კახას იპოდრომი შენც მოგწონს?“ ორივე კანდიდატთან შეკითხვა მთავრდება მოწოდებით: ,,ქალაქს მივხედოთ!“ასევე არის ბანერები - ,,მტკვარი გასაწმენდია“.,ბუკიას ბაღი გასახსნელია“ და როგორც ამბობენ, კიდევ ბევრი იქნება ასეთი ,,საქმიანი“ ბანერები. ვნახოთ ამჯერად როგორ მიიღებს ამომრჩეველი ,,ალეკო ელისაშვილი - მოქალაქეების“ ამ ახალ, უცნაურ საარჩევნო კამპანიას.

ფოტო: მატრაbuzzy