შინაგან საქმეთა მინისტრმა, ვახტანგ გომელაურმა, ჟურნალისტებთან ბანკზე თავდასხმაში ბრალდებულ ბადრი ესებუასთან დაკავშირებით დასმულ კითხვაზე განაცხადა, რომ ესებუას აუცილებლად დააკავებენ, თუმცა, ამას დრო დასჭირდება და ეს შესაძლოა მისმა შემდეგმა მინისტრებმა მოახერხონ.

„დავაკავებთ, რა თქმა უნდა, აუცილებლად. ახლა გავალთ და ალბათ, რამდენიმე წუთში დაკავებული იქნება, ამაზე მილიონჯერ გავაკეთე განცხადება... შეიძლება წლებიც გავიდეს, ამაზე ასჯერ მაქვს კომენტარი გაკეთებული და რამდენჯერ გავაკეთო. შეიძლება 10 წელი გავიდეს და მერე დააკავონ, არა მე, არამედ, მეოთხე მინისტრმა ჩემ შემდეგ, ან მეორე მინისტრმა. ეს ჩვეულებრივი თემაა, ვაკავებთ 10 წლის წინანდელზე, 8 წლის წინანდელ დამნაშავეებს, მკვლელებს. მინდა, რომ დავაკავოთ, რა თქმა უნდა“ - განაცხადა ვახტანგ გომელაურმა.

მთავარი ფოტო: europetime.eu