,,გირჩის" წევრის, ალექსანდრე რაქვიაშვილის განცხადებით, ,,ჩათიდან გააგდეს", რადგან, მისი თქმით, ოპოზიციონერ კოლეგებს მათი რჩევების მოსმენა არ სურთ.
როგორც იგი აღნიშნავს, მისთვის გაუგებარია, როცა პარლამენტში მყოფი პოლიტიკური სპექტრის ნაწილი დისკუსიაზე უარს ამბობს.
,,ჩათიდან გაგვაგდეს, როგორც ჩანს, ოპოზიციიდან ჩემს კოლეგებს არ უნდათ ჩვენი რჩევები, მაგრამ ჩვენ პრობლემა არ გვაქვს ამ გეგმის, რადგან გვაქვს მკაფიო პოლიტიკური პოზიცია, ვიცით, რა გვინდა და მათ შორის გვაქვს კანონპროექტები, რომლებიც გვინდა, განხილული იყოს ამ პროცესში. რაც ჩვენ ვიცით, ვიცით ზოგადად კომუნიკაციიდან, დანარჩენი ოპოზიციისგან, რომ მათ ეს პოლიტიკური პოზიცია არ აქვთ და ცდილობენ, ხან „ენჯეო“ სექტორს ამოეფარონ უკან, ხან რაღაც ერთობა შექმნან, რომ დამოუკიდებელი პოლიტიკური პოზიცია არ ჩამოაყალიბონ. როგორც ჩანს, ამ პოლიტიკური პოზიციის ძიებაში არიან, მაგრამ თავისთავად არც ალტერნატიული გეგმა, არც ალტერნატიული კანონპროექტი პრობლემას არ წარმოადგენს. პრობლემა არის ის, რომ პოლიტიკური სპექტრის ნაწილი უარს ამბობს ლაპარაკზე, ჩემთვის ეს სრულიად გაუგებარია. მითუმეტეს, როცა პარლამენტში ხარ და საპარლამენტო აქტივობით გინდა, მიაღწიო რაღაც შედეგს, ამ შემთხვევაში ევროინტეგრაციას, მთავარი იარაღი არის დისკუსია, დებატები, ლაპარაკი და თუ ამაზე უარს ამბობ, არ მესმის“ _ განაცხადა ალექსანდრე რაქვიაშვილმა.
