,,გირჩის“ დეპუტატი ალექსანდრე რაქვიაშვილმა სახელმწიფო ბიუჯეტის მიმოხილვის ვებინარზე ახალი ინიციატივით გამოვიდა. მისი შეთავაზება იყო, რომ თანხა, რომელიც მოსეავლეებისთვის ბიუჯეტიდან იხარჯება, დაურიგდეთ მათ და მშობლებმა თავად გადაწყვიტონ, თუ რომელ სკოლაში ივლიან ბავშვები.
,,საშუალო განათლებაში ჩადებული ხარჯები გადავანაწილოთ მოსწავლეებზე და მშობელმა გადაწყვიტოს, რომელ სკოლას გადაუხდის. რომ ავიღოთ საშუალო განათლება, დიდი ნაწილი ხარჯებისა, ბიუჯეტზე მოდის. ბიუჯეტი ხელფასებს იხდის, სკოლების რემონტს აკეთებს და ა. შ., მაგრამ ეს ფული რომ უბრალოდ გავანაწილოთ საშუალოდ მოსწავლეებზე, შეიძლება 2000-ზე მეტი ლარი ვუხადოთ თითოეულ მოსწავლეს. მერე, მშობლებმა თვითონ გადაიხადონ, რომელ სკოლაშიც უნდათ. თეორიულად შეიძლება ერთი და იგივე ტიპის ხარჯი იყოს, მაგრამ სრულიად სხვა იდეა იქნება ამ ორი სისტემის უკან. ერთ შემთხევაში მთავრობა იღებს გადაწყვეტილებას და მართავს სისტემას, და მეორე შემთხვევაში – მშობელი. რომც არ შემცირდეს ხარჯები და არაფერი შეიცვალოს, თვითონ ხარჯვის ტიპი შეიძლება განსხვავდებოდეს“ _ განაცხადა ალექსანდრე რაქვიაშვილმა.
