„გირჩის“ წევრი, ალექსანდრე რაქვიაშვილი, გუშინ ევროკავშირის ოფისთან ნიკა მელიასა და ირაკლი კობახიძის დაპირისპირებას აფასებს. რაქვიაშვილი პასუხისმგებლობას მელიას აკისრებს, როგორც ჩხუბის ინიციატორს, თუმცა, მიიჩნევს, რომ კობახიძე თავშეკავებით უფრო მეტს მოიგებდა.
„ისეთი პოლიტიკური პარტიების ლიდერები, რომელთა უკან ასობით ათასი ამომრჩეველი დგას, საქმეს მეტი პასუხისმგებლობით უნდა უდგებოდნენ. ნიკა მელიას დაპირისპირება არ უნდა დაეწყო. არც ირაკლი კობახიძის პასუხი იყო სწორი - დაძაბულობა ისედაც გვაქვს, კონფლიქტები ხელოვნურად რომ არ შევქმნათ. მომხდარი დაპირისპირების არც ერთი ნაწილი არ იყო სწორი. ნიკა მელიაზე არის პასუხისმგებლობა, რადგან ეს ყველაფერი მან დაიწყო, მაგრამ ირაკლი კობახიძეს შეეძლო მელიასთვის პასუხი არ გაეცა და მშვიდად წასულიყო. ამით ბევრად მეტს მოიგებდა. თუ ჩხუბი უნდათ, პარლამენტში შემოვიდნენ და აქ იჩხუბონ“ - განაცხადა რაქვიაშვილმა.
მთავარი ფოტო: imedi.ge
