საბოტაჟი ჩვენი კანდიდატის სტატუსის მიღების გუშინ ღარიბაშვლმა ბოლომდე მიიყვანა. ამის შესახებ ,,ლელოს“ წევრმა სალომე სამადაშვილმა პრემიერის გუშინდელი გამოსვლის შეფასებისას განაცხადა. მისივე თქმით, აქვს მოლოდინი, რომ მოლდოვა და უკრაინა კანდიდატის სტატუსს მიიღებენ, საქართველო კი ვერა.
,,თუ ვინმეს ეჭვი ეპარებოდა, რომ ,,ქართულმა ოცნებამ" ყველაფერი გააკეთა იმისთვის, რომ დავკარგოთ შანსი კანდიდატი ქვეყნის სტატუსის მისაღებად, გუშინ პრემიერ-მინისტრმა ამის ძალიან ნათელი დემონსტრაცია მოახდინა პარლამენტში. თუ რაიმე თეორიული შანსი არსებობდა ღარიბაშვილის გამოსვლამდე, რომ პოლიტიკური ნება ჩამოყალიბებულიყო განსხვავებულად ევროკავშირში, გუშინ ღარიბაშვილმა განაცხადა ღიად, რომ ეს არის ხელისუფლება, რომელიც არ აპირებს არცერთი რეკომენდაციის შესრულებას, რაც ევროკავშირმა გასცა. შეიძლება ითქვას, რომ საბოტაჟი ჩვენი კანდიდატის სტატუსის მიღების ბოლომდე მიიყვანა. ამიტომ, მე ველოდები, რომ მოლდოვას და უკრაინას მისცემენ კანდიდატის სტატუსს, საქართველო კი ამ სტატუსს ვერ მიიღებს“ _ განაცხადა სალომე სამადაშვილმა.
