დღეიდან, 28 მარტიდან ქვეყანაში კორონავირუსის გამო მოქმედი შეზღუდვების უმეტესობა უქმდება. კერძოდ:
პირბადის ტარება ღია სივრცეში სავალდებულო აღარ იქნება და მხოლოდ სარეკომენდაციო ხასიათს შეინარჩუნებს. საზოგადოებრივ ტრანსპორტში და დახურულ სივრცეებში პირბადის ტარების ვალდებულება ამ ეტაპზე შენარჩუნდება.
საზოგადოებრივი კვების ობიექტებზე, სპორტულ სახელოვნებო, თუ სხვა სახის ღონისძიებებზე რაოდენობრივი შეზღუდვა უქმდება.
ის თანამშრომლები, რომლებიც დისტანციურად მუშაობდნენ, სამუშაო ადგილებს დაუბრუნდებიან.
ქვეყანაში საქართველოს მოქალაქეების PCR-ტესტით შემოსვლის შემთხვევაში, მოხსნილია მესამე დღეს PCR-ტესტირების ვალდებულება. ასევე, უქმდება თვითიზოლაციის ვალდებულება საქართველოს იმ მოქალქეებისთვის, რომლებიც ქვეყანაში ბრუნდებიან PCR ტესტის გარეშე.
