ჯანდაცვის მინისტრის, ზურაბ აზარაშვილის განცხადებით, საქართველოში კორონავირუსით ინფიცირების შემთხვევების მაჩვენებელი გაზრდილია, თუმცა, მისივე თქმით, მოსახლეობას ნერვიულობის საფუძველი არ აქვს.
,,ეპიდვითარებას რაც შეეხება, საკმაოდ მშვიდი სიტუაცია გვაქვს, არის ინფიცირების შემთხვევები, თუმცა სრულად მართვადია, არის მინიმალურ ზღვარზე. რამდენიმე ქვეყანაში არის შედარებით მეტი, თუმცა ჩვენს შემთხვევაში ასეთი მკვეთრი ზრდა არ არის. ციფრებში რომ შევადაროთ, მაგალითად ერთი კვირის წინ საშუალოდ დღიური შემთხვევები თუ გვქონდა 100, დღეს გვაქვს 500. რაც შეეხება ინფიცირების შემთხვევებს, მინდა მოსახლეობა დავამშვიდო, რომ არანაირი ნერვიულობის საფუძველი არ არსებობს. ინფიცირების შემთხვევაში შეგვიძლია მშვიდად გადავიტანოთ, ვიმკურნალოთ. ის, რომ ეს იყოს რაიმე შეზღუდვების, ჩაკეტვის თუ სხვადასხვა აკრძალვების შემოტანის საფუძველი, ასეთი დღეს არ არის“ _ განაცხადა ზურაბ აზარაშვილმა.
