"რესპუბლიკური პარტიის" თავმჯდომარის, ხათუნა სამნიძის განცხადებით პარლამენტში მყოფმა ოპოზიციამ რიგგარეშე სესიაზე შრომის, ჯანმრთელობის და სოციალური დაცვის მინისტრი უნდა დაიბარონ.
მისი თქმით, ჯანდაცვის მინისტრს, ზურაბ აზარაშვილს ყველა კითხვაზე უნდა მოსთხოვონ პასუხი.
"დევნილების ხმა, ისევე როგორც ძალიან ბევრი ჯგუფის ხმა, ამ ქვეყანაში ხელისუფლებას არ ესმის. უნდა მოვიწვიოთ რიგგარეშე სესია, კონკრეტული საკითხით დავიბაროთ ჯანდაცვის მინისტრი, რომელსაც ეხება არა მხოლოდ დევნილების, არამედ სოციალური აგენტების გაფიცვის საკითხი. ამისთვის საჭიროა 38 დეპუტატის ხელმოწერა, რომლებიც მიმართავენ პრეზიდენტს და შემდეგ კანონის შესაბამისად, მან უნდა მოიწვიოს რიგგარეშე სესია 48 საათში. მანამდე აუცილებელია არსებობდეს 38 ხელმოწერა. ჩვენ გვჭირდება დავიბაროთ და ყველა კითხვაზე მოვთხოვოთ პასუხი მინისტრს, რომელიც ღიმილით პასუხობს ჟურნალისტების კითხვებს" - თქვა მან.
