თბილისის საქალაქო სასამართლოსთან ე.წ. ფულის გათეთრების საქმეზე ბრალდებულების - მამუკა ხაზარაძის, ბადრი ჯაფარიძისა და ავთანდილ წერეთლის სისხლის სამართლის საქმეზე სასამართლო პროცესის სხდომა დასრულდა. მამუკა ხაზარაძემ განაცხადა, რომ შარშან ბიძინა ივანიშვილისგან შემოთავაზებაც ჰქონდათ, რადგან მას სურს, ყველა მასთან იყოს ვალში.

„სუს-ის, მოსყიდვის მეშვეობით, კრედიტების საშუალებით მან ეს შეძლო და ეს რეალობაა. თუ სიმართლეს არ ვიტყვით, ვიქნებით ამ ჭაობში და მე არ მინდა ამ ჭაობში ყოფნა. ჭაობის გაწმენდა იწყება ანკარა წყაროთი და ანკარა წყარო არის სიმართლის თქმა, რაც არ უნდა მწარე იყოს ეს სიმართლე. თუ არ ვიტყვით ამ სიმართლეს, ვიქნებით ასე დაჩაჩანაკებული. „ქართულ ოცნებაში“ ჯერ კიდევ საკმაოდ არის ადამიანების ის რაოდენობა, ვისაც აქვს სინდისი, ნამუსი და აინტერესებს ჩვენი ქვეყნის ხვალინდელი დღე. არის რაღაც პატარა ჯგუფი, რომელიც ემსახურება ბიძინა ივანიშვილს და არის დიდი სისტემა, რომელიც გადმოიბარა მან წინა ხელისუფლებისგან. სწორედ ამ ადამიანებს ახორციელებინებს მართლმსაჯულებას ამ ქვეყანაში“ - განაცხადა ხაზარაძემ.

მთავარი ფოტო: reginfo.ge