NCDC-ის დირექტორის მოადგილე, პაატა იმნაძე, პალიტრანიუსის ეთერში ქვეყანაში არსებულ კოვიდსიტუაციას აფასებს. მისი თქმით, ქვეყანა ზამთარს მოუმზადებელი ხვდება, რადგან კოვიდ იმუნიტეტი მოსახლეობის მხოლოდ ნახევარს აქვს. 

“ყველაზე მეტად ის გვაწუხებს, რომ ზამთარს ვხვდებით სამწუხაროდ ისე, რომ მესამედი მოსახლეობა არის ორჯერადად აცრილი, ეს გვაწუხებს. ამას თუ გადატანილებსაც დავამატებთ, ვთქვათ, უახლოეს პერიოდში გადატანილებს ძირითადად ანუ დღეს ვისაც აქვს იმუნიტეტი, ეს იქნება, ალბათ, ჩვენი მოსახლეობის არაუმეტეს სადღაც 60%-მდე. ანუ თითქმის ნახევარი, ჩვენი მოსახლეობის 40% არის ამთვისებელი ამ ინფექციისადმი, ეს არის ძალიან დიდი ფიჩხი, რომელიც ყოველ წუთს შეიძლება ისევ აგიზგიზდეს. ჩვენ რომ 4 000-ს ჩამოვცდით, ეს არაფერს არ ნიშნავს, ვირუსს ხანმოკლე ციკლურობა ახასიათებს, პრინციპში, ალბათ, ერთ-ორ კვირაში ისევ დაიწყება მატება და სამწუხაროდ, შემაშფოთებელი პროგნოზია” - ამბობს პაატა იმნაძე. 

მთავარი ფოტო: 1tv.ge