დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, სექტემბრის თვიდან იმ ადამიანებს, რომლებიც ვაქცინირებულები არაინ, უფრო მეტი თავისუფლება ექნებათ, რადგანაც ისინი უფრო ნაკლებ საფრთხეს წარმოადგენენ სხვებისთვის.
მისი თქმით, აღნიშნულ საკითხზე საკოორდინაციო საბჭოში მსჯელობა უკვე დაწყებულია.
"გამოცხადებულია, რომ სექტემბრიდან ვაქცინირებულებს უსაფრთხოებიდან გამომდინარე მეტი თავისუფლება ექნებათ. რა თქმა უნდა, ამაზე მსჯელობა მიმდინარეობს და ეს იქნება. ეს უსაფრთხოების ზომების დაცვაა. არის ვიღაც, ვინც მეტ საფრთხეს წარმოადგენს თავის თავისთვის და საზოგადოებისთვის, არის ის, ვინც ნაკლებ საფრთხეს წარმოადგენს თავისი თავისთვის და საზოგადოებისთვის" – განაცხადა იმნაძემ.
ფოტო: facebook
