იაშვილის კლინიკის პედიატრიული განყოფილების უფროსი, ივანე ჩხაიძე, კოვიდგადატანილების შემთხვევაში უვადოდ ე.წ.„მწვანე სტატუსის“ მინიჭების საკითხზე საუბრობს. ის არ ეთანხმება საკოორდინაციო საბჭოს მიერ მიღებულ გადაწყვეტილებას და აცხადებს, რომ ეს ალბათ ტექნიკური ხარვეზია და უნდა გამოსწორდეს. 

„პოზიცია მკაფიოდ იყო დაფიქსირებული 6-თვიან ვადასთან დაკავშირებით. ეს არის ის უნივერსალური ვადა, რომელიც მიღებულია ყველა ქვეყანაში. არც ერთი ქვეყანა არ აფიქსირებს ერთწლიან პერიოდს. საერთოდ წარმოუდგენელია უვადოზე საუბარი, ეს მგონი რაღაც ტექნიკური ხარვეზი ან გაუგებრობაა, რომელიც უნდა გამოსწორდეს. კორონავირუსი არ არის წითელა, რომ გადაიტანო და მთელი ცხოვრება თავისუფალი იყო, covid 19 ამისგან ძალიან შორს არის. ვფიქრობ, ეს ერთ-ერთი ნაწილია, რომელიც აუცილებლად უნდა შეიცვალოს. ამ მხრივ საკოორდინაციო საბჭოს პოზიცია და საბოლოო გადაწყვეტილება დიამეტრულად განსხვავდება სამედიცინო ხედვისგან“ - განაცხადა ივანე ჩხაიძემ. 

მთავარი ფოტო: alia.ge