ჯანდაცვის ექსპერტმა, გიორგი ჩახუნაშვილმა განაცხადა, რომ მეხუთე ტალღას უკვე უნდა ველოდოთ და უკვე უნდა ვემზადებოდეთ კიდეც ამისთვის. „დროას“ წევრი ამბობს, რომ კოვიდპაციენტების მკურნალობის პროტოკოლის ცვლილებაზე დღეს საუბარი დაგვიანებულია.

„დღეს პროტოკოლებზე საუბარია არათუ უსაფუძვლოა, არამედ, ეს უკვე არავითარ ჩარჩოში არ ჯდება. რაღა დროს პროტოკოლზე საუბარია?! დღეს საუბარია პირველადი ჯანდაცვის კრახზე, რომელიც ჩვენ ისედაც ვიცით, დღეს საუბარია, როგორ გამოვძვრეთ ამ მდგომარეობიდან. ამისთვის აუცილებელია ის, რომ ყოველდღე უნდა იყოს დაახლოებით, 40 000 ადამიანი აცრილი. ამისთვის აუცილებელია ვაქცინაციის ცენტრების შექმნა, მობილური ჯგუფების იქ გასვლა, საიდანაც ხალხი ვერ მიდის ამცრელ პუნქტებამდე და აუცილებელია ვაქცინაციის ყველა იმ რეზერვის გამოყენება, რაც დღეს არსებობს. ჩვენი გათვლებით და სტატისტიკით, დაახლოებით, ვაქცინების 2-3 კვირის მარაგია დარჩენილი. ამიტომ, ეს უნდა იყოს გაწერილი და ღიად გამოცხადებული. ასევე, ჩვენ უკვე უნდა ველოდოთ მეხუთე ტალღას და უკვე უნდა ვემზადებოდეთ ამისთვის“ - აცხადებს გიორგი ჩახუნაშვილი.

მთავარი ფოტო: nationalgeographic.org