პარტია „დროას“ ლიდერი ჟურნალისტებთან ევროპული საბჭოს პრეზიდენტის, შარლ მიშელის, განცხადება შეაფასა, რომლის თქმით, მაკროფინანსური დახმარების გაცემის ვადა ახლოვდება და დროა, საქართველოს მთავრობამ გამოავლინოს ერთგულება შეთანხმებების მიმართ. ელენე ხოშტარიას მიაჩნია, რომ 19 აპრილის შეთანხმების შეუსრულებლობა ხელისუფლებას ძალიან ძვირად დაუჯდება.
„აბსოლუტურად ცხადია, რომ „ქართული ოცნების“ გადაწყვეტილებას ძალიან დიდი ფასი ექნება, ეს მინიშნება იყო მათ შორის შარლ მიშელის მხრიდან. ამასთანავე, უნდა გვესმოდეს, რომ საქართველოს მოქალაქეებსა და ოპოზიციას გვაქვს ვალდებულება, სიტუაცია შევცვალოთ. ჩვენს ნაცვლად, ვერც ევროკავშირი და ვერც აშშ, ადგილზე სიტუაციას ვერ შეცვლის“ - განაცხადა ელენე ხოშტარიამ.
მთავარი ფოტო: allnews.ge
