საქართველოში სექტემბერში Johnson & Johnson-ის 50 ათასი დოზა ვაქცინა შემოვა. ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა. ვაქცინას ქვეყანა გერმანიის მთავრობისგან საჩუქრად მიიღებს.
სხვა ვაქცინებისგან განსხვავებით, Johnson & Johnson-ის ვაქცინა მხოლოდ ერთხელ კეთდება.

ამჟამად საქართველოში კორონავირუსის საწინააღმდეგო ოთხი ვაქცინაა: ,,ფაიზერი“, ,,ასტრაზენეკა“, ,,სინოფარმი“, და ,,სინოვაკი“.

აღსანიშნავია, რომ ბოლო 24 საათში კორონავირუსის საწინააღმდეგო ვაქცინით საქართველოში 28196 პირი აიცრა, საერთო ჯამში კი 1038292 ადამიანია აცრილი.