ლიონელ მესიმ 21 წლიანი ბარსელონური შთამბეჭდავი კარიერა დაასრულა და პარი სენ-ჟერმენს შეუერთდა.

ლეო ოჯახთან ერთად უკვე პარიზშია და 2+1 წლიან კონტრაქტს მოაწერა ხელი, რომლის მიხედვითაც, თითოეულ წელს 35 მილიონ ევროს მიიღებს, ასევე იგი გადასვლისთანავე მიიღებს 30 მილიონიან ბონუსს. რაც შეეხება მის სათამაშო ნომერს, როგორც ირკვევა მისმა მეგობარმა და ყოფილმა თანაგუნდელმა ბარსელონაში და ამჟამად უკვე თანაგუნდელმა „პსჟ“-ში, ლეოს 10 ნომრიანი მაისური შესთავაზა, თუმცა დავად მესიმ თქვა უარი და იგი 30 ნომრიანი მაისურით იასპარეზებს. სწორედ ეს 30 ნომრიანი მაისურით ჩაატარა ლიონელმა სადებიუტო შეხვედრა ბარსელონაში და პირველი გოლიც 30 ნომრიანი მაისურით გაიტანა რონალდინიოს გადაცემით.

მოგეხსენებათ ლიონელ მესის ბარსელონას დატოვება შარშან სურდა, პრეზიდენტ ბართომეუს გამო, რომელმაც ბევრი ზიანი მიაყენა კლუბს, თუმცა მესი მაშინ არ გაუშვეს და პრეზიდენტად ჟოან ლაპორტა მოვიდა, რომლის უმთავრესი დაპირებაც მესის კლუბში დარჩენა იყო. თავად ლეომაც გადაიფიქრა წასვლა და ბედნიერი იყო დარჩენით, თუმცა დასვენებიდან დაბრუნებულს, როდესაც ახალი კონტრაქტისთვის უნდა მოეწერა ხელი, ლაპორტამ აცნობა, რომ მისი კლუბში ხელახლა დარეგისტრირება შეუძლებელი იყო ესპანეთის „ლა ლიგის“ სახელფასო რეგულაციების გამო. მესი ხელფასის განახევრებასაც დათანხმდა, თუმცა ეს საკმარისი არ აღმოჩნდა და ლაპორტამ უმთავრესი დაპირება ვერ შეასრულა. სწორედ პრეზიდენტს ადანაშაულებს ლეოს მამა და აგენტი, ხორხე მესი, რომელმაც განაცხადა, რომ ლაპორტამ მესი არჩევნების მოსაგებად გამოიყენა და არ სჯერა, რომ მისი შენარჩუნების გზები არ არსებობდა.

ასეა თუ ისეა, დადგა ასეთი ვითარება, ბარსელონას გულშემატკივრები ტირიან, „პსჟ“-ს ასი ათასობით ფანი კი საუკეთესო ფეხბურთელს ეგებება და ახალი ერა იწყება.