კანადაში ძლიერი სიცხის გამო გაჩენილმა ცეცხლმა სოფელი გადაწვა. ბრიტანეთის კოლუმბიის ერთ-ერთ სოფელ ლაიტონს ძლიერმა ხანძარმა დიდი ზიანი მოუტანა, ცეცხლმა შენობების 90% გაანადგურა. როგორც სოფლის მერმა, იან პოლდერმენმა BBC-ს განუცხადა, მას გაუმართლა, რომ იქიდან ცოცხალმა გამოაღწია.

,,ლაიტონისგან ბევრი აღარაფერი დარჩება, ყველგან ცეცხლი იყო“ _ აღნიშნა მან.

პოლდერმენის თქმით, მან სოფელში  ევაკუაციის განკარგულება ხნძრის გაჩენამდე გასცა, 15 წუთში კი ყველაფერს ცეცხლი მოედო. ცეცხლის ასეთ სწრაფ გავრცელებას ხელი ქარმა შეუწყო.

ამ კვირაში სოფელში რეკორდულად მაღალი ტემპერატურა, 49.6 გრადუსი სიცხე დაფიქსირდა.

აღსანიშნავია ის ფაქტიც, რომ ბრიტანეთის კოლუმბიაში ნორმალურ დროს კვირაში საშუალოდ 165 ადამიანი კვდება, ხოლო ბოლო ხუთი წლის განმავლობაში ძლიერი სიცხის მიზეზით მხოლოდ 3 ადამიანია გარდაცვლილი. ამ კვირაში კი კანადის ამ პროვინციაში გარდაცვალების 486 ფაქტი დაფიქსირდა. მთავარი გამომძიებელი, ლისა ლაპოინტი გარდაცვალების ასეთ მაღალ მაჩვენებელს უკიდურეს სიცხეს უკავშირებს.

,,გარდაცვლილთა უმეტესობა მარტო ცხოვრობდა ისეთ სახლში, სადაც ვენტილაცია არ იყო“ _ აღნიშნა ლაპოინტმა.

ასეთი უკიდურესი სიცხე კანადასთან ერთად ჩრდილოეთ ამერიკაშიც დაფიქსირდა.