კანადაში უკიდურესი სიცხე ადამიანების გარდაცვალების მიზეზი გახდა. ვანკოვერის პოლიციის ინფორმაციით, პარასკევის შემდეგ 130 ადამიანზე მეტი მოულოდნელი სიკვდილით გარდაიცვალა. უმეტესობა მათგანი ხანდაზმული იყო ან ჯანმრთელობის პრობლემები ჰქონდათ, რომელთა სიკვდილშიც ძლიერმა სიცხემ გადამწყევტი როლი ითამაშა.

სამშაბათს კანადაში ყველაზე მაღალი ტემპერატურა, 49.6 გრადუსი სიცხე დაფიქსირდა. ექსპერტები ტემპერატურის ასეთ მატებას კლიმატის ცვლილებას უკავშირებენ და მომავალში ასეთი ექსტრემალური ხასიათის ამინდების კიდევ უფრო გახშირებას ვარაუდობენ. თუმცა ცალკეული მოვლენის გლობალურ დათბობასთან დაკავშირება ცოტა გადამეტებულია.