რატომ უნდა შეიცვალოს ჩვენი პირობები, თუ ამ ბარიკადის აღებით ჩვენთვის არაფერი შეიცვალა? ამ ლოგიკიდან გამოვდივართ და ამაზე ვისაუბრეთ დღევანდელ შეხვედრაზეც. ეს პირობები თუ არ შესრულდება, ვერ გადავალთ მედიაციის პროცესზე. ამის შესახებ ვარლამ გოლეთიანმა ევროკავშირის წარმომადგენლების ჩართულობით გამართულ ონლაინშეხვედრის შემდეგ მედიასთან განაცხადა.
,,გარდა იმისა, რომ ბარიკადებია აღებული, არც ერთი სხვა მოთხოვნა არ შესრულებულა. ვისაუბრეთ ზოგადად და მხარეების მხრიდან სხვადასხვა არგუმენტები იყო დაყენებული შესრულებასთან დაკავშირებით, თუმცა ის, რაც შაბათის შეხვედრაზე მიღწეული შეთანხმების პირობებია, არ არის შესრულებული. რაც შეეხება ჩვენს შესვლას ხეობაში, ამასთან დაკავშირებით გამოითქვა პოზიცია, რომ თურმე კომპანია უარს აცხადებს იქ ჩვენს შესვლაზე, ანუ ამბობს, რომ მისი კერძო საკუთრებაა. ამასთან დაკავშირებით საზოგადოების პოზიცია ცნობილია – როგორ არის ეს მიწა კომპანიის საკუთრება. ამიტომ ჩვენ მეათეხარისხოვან ადგილებზე ვერ შევალთ და დავრჩებით იმ ადგილზე, სადაც ახლა ვდგავართ. აქ მნიშვნელობა ჰქონდა უშუალოდ იმ ადგილზე დაბრუნებას.
პროტესტი გრძელდება ჩვეულებრივ, კომპანიის ტრანსპორტისთვის ხელის შეშლის ჩათვლით, ვიდრე შინაარსობრივად არ წავა ჩვენი პროტესტი წინ. ანუ ბარიკადი აღებულია, თუმცა ვირტუალური ბარიკადი დევს, ჩვენ მაინც ვერ ვახერხებთ გადასვლას მეორე მხარეს, რატომ უნდა შეიცვალოს ჩვენი პირობები, თუ ამ ბარიკადის აღებით ჩვენთვის არაფერი შეიცვალა? ამ ლოგიკიდან გამოვდივართ და ამაზე ვისაუბრეთ დღევანდელ შეხვედრაზეც. ეს პირობები თუ არ შესრულდება, ვერ გადავალთ მედიაციის პროცესზე“ _ აცხადებს გოლეთიანი.
,,ნამახვანჰესის“ პროექტთან დაკავშირებით ევროკავშირის ენერგეტიკული გაერთიანების დავების გადაწყვეტისა და მოლაპარაკებების ცენტრის ჩართულობით დღეს ონლაინშეხვედრა გაიმართა. შეხვედრა რამდენიმე საათი გაგრძელდა.
