,,ნამახვანჰესთან“ დაკავშირებით ირაკლი ღარიბაშვილი პასუხობს კითხვას, ტუ რა თანხის გადახდა მოუწევს საქართველოს ,,ენკას“ ხელშეკრულების გაუქმებასთან დაკავშირებით. პრემიერის განცხადებით, ეს ჯერ არავინ იცის, კომპანიის მიერ დახარჯული ინვესტიციების მოცულობა შეფასდება და ამის მიხედვით მოხდება მოლაპარაკება.
,,ეს შორეული პერსპექტივაა, არავინ იცის რამდენის გადახდა მოგვიწევს. თუ კომპანია დატოვებს, რა თქმა უნდა, დაითვლება, ამის აუდიტს გააკეთებს დამოუკიდებელი აუდიტორული კომპანია, რომელიც შეაფასებს კომპანიის მიერ დახარჯული ინვესტიციების მოცულობას. ამის მიხედვით მოხდება მოლაპარაკება. შეიძლება, სხვა კომპანიებმა გამოისყიდოს. უამრავი ვერსია და ვარიანტი არსებობს. ასე რომ, მე ვერ ვხედავ პრობლემას ამ მიმართულებით“ _ განაცხადა ღარიბაშვილმა.
