ჩეხეთის რესპუბლიკაში ქალები გამოდიან მოთხოვნით, რომ გვარები სქესის მიხედვით არ უნდა იცვლებოდეს, ამის შესახებ BBC იუწყება. მაგალითად, თუ მამა არის გვარად ნოვაკი და მას შეეძინება ქალიშვილი, მაშინ ის იქნება ნოვაკოვა, ანუ სუფიქსი ,,-ოვა“ მდედრობით სქესს აღნიშნავს. ქალები ასეთ სქესობრივ დაყოფას აპროტესტებენ და მაცხადებენ, რომ გვარს სქესი არ უნდა ჰქონდეს. ამ მოთხოვნის მომხრეებს, მიაჩნიათ, რომ სქესის მიხედვით დაყოფა არასამართლიანია და მათ არათანაბარ პირობებში აყენებს, რასაც შეუძლია აბსურდულ სიტუაციამდე მიყვანა.
გარკვეულწილად მათ ამ მოთხოვნას უკვე მიაღწიეს, მაგალითად, თუ ქალს სხვა ქვეყნის მოქალაქეობა აქვს ან თუ იგი უცხოელთან ერთად ცხოვრობს, მაშინ მათ გვარს მდედრობითი სქესის აღმნიშვნელი ბოლოსართი არ აქვს, ხოლო მალე მათ შესაძლოა მიაღწიონ კანონში ცვლილებას, რომლის მიხედვითაც გვარს სქესის აღმნიშვნელი ბოლოსართი სრულიად ჩამოშორდება.
