დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე აცხადებს, რომ დაწესებულებებს, სადაც აცრის პროცედურა განხორციელდება, შეუძლიათ გასცენ ცნობა ვაქცინის მეორე დოზის გაკეთების შესახებ, რაც ერთგვარად, კოვიდპასპორტის პირველ ეტაპად შეგვიძლია ჩავთვალოთ.

"მგზავრობისთვის ან რაიმე სხვა მიზნებისთვის თუ გჭირდებათ ცნობა, რომ ხართ ორჯერადად აცრილი, ამცრელ დაწესებულებებს უკვე შეუძლიათ ამ ცნობის ამოღება. იქ, სადაც ვაქცინის მეორე დოზას გაიკეთებთ, როდესაც აცრას დაარეგისტრირებენ, შეუძლიათ, მოგცენ არა მარტო აცრების ბარათი, არამედ ორჯერადად აცრის ცნობა. ეს არის, ასე ვთქვათ, კოვიდპასპორტის პირველი ეტაპი" - განაცხადა იმნაძემ.

ცნობისთვის, ქვეყანაში, ბოლო მონაცემებით, სულ 125 601 ადამიანია აცრილი.

ფოტო: 1TV