ვეტო ხომ უბრალოდ რაღაც ინსტრუმენტი არ არის. ეს ნიშნავს მოტივირებული შენიშვნით არ მიღებას, ამიტომ მნიშვნელოვანია შენიშვნები. ასე გამოეხმაურა საქართველოს პარლამენტის ტავმჯდომარე, შალვა პაპუაშვილი ,,ხალხის ძალის“ კანონპროექტზე ვეტოს დადების შესახებ პრეზიდენტის განცხადებას.
მისივე თქმით, სამოქალაქო საზოგადოებამ კანონპროექტის შესახებ დისკუსიაში გახსნილობა უნდა აჩვენოს.
,,ჯერ პროექტი არცაა მიღებული და არა მხოლოდ მიღებული არაა, არამედ რომელი პროექტი უნდა მივიღოთ, ესეც საკითხავია. მსჯელობა ჯერ მხოლოდ გაიხსნა. საშიში სიგნალია, რომ გახსნისთანავე ამ დისკუსიის სტიგმატიზება მოხდა. არის მცდელობა, რომ დემოკრატიული დისკუსია ტაბუს ქვეშ მოექცეს. ვფიქრობ, სამოქალაქო საზოგადოებამ გახსნილობა უნდა აჩვენოს ამ დისკუსიაში" _ აცხადებს პაპუაშვილი.
