,,ნაციონალური მოძრაობის“ ტრიოს ის მინიმალური კომპეტენციაც არ ეყო, რომ სწორი მიმართვა გაეკეთებინათ, თავად პრეზიდენტი ჩააყენეს უხერხულ მდგომარეობაში. ამის შესახებ პარლამენტის თავმჯდომარემ შალვა პაპუაშვილმა განაცხადა.
მისი თქმით, ,,ნაციონალური მოძრაობის“ წარმომადგენლებს მუშაობის პროცესში ჩართვა არ სურთ, ისინი მხოლოდ სცენების დადგმას ცდილობენ და მათი კამპანიის სამიზნე უცხოელი დამკვირვებლები არიან.
„ნაციონალური მოძრაობის“ ტრიოს ის მინიმალური კომპეტენციაც არ ეყო, რომ რიგგარეშე სესიაზე პრეზიდენტისთვის სწორი მიმართვა გაეკეთებინათ. იმის მინიმალური კომპეტენციაც არ აქვთ, რომ სწორად მიმართონ პრეზიდენტს. თავად პრეზიდენტი ჩააყენეს უხერხულ მდგომარეობაში. თავისთავად, პრეზიდენტი მიმართვის შინაარსში არ ერთვება, ხელმოწერა ფორმალურია. პრეზიდენტი სესიას მოიწვევს თუ არა, მაინც შეიძლება, ის გაიმართოს. პრეზიდენტი უხერხულ მდგომარეობაში ჩააყენეს, რადგან უმარტივესი ხარვეზი იყო დაფიქსირებული. ეს არის „ნაციონალური მოძრაობის“ ტრიოს არაკომპეტენტურობა. სინამდვილეში, მათ მუშაობა კი არ სურთ, არამედ გარკვეული სცენების დადგმა. თუ დარბაზის შიგნით იქნება, იქ დადგამენ, თუ შიგნით ვერ შევლენ, დარბაზის გარეთ დადგამენ. კართან ფოტოებს იღებდნენ, რომ სცენები დაედგათ. ამ კამპანიის სამიზნეა უცხოელი დამკვირვებელი, ვინც ქართულ პოლიტიკას აკვირდება. სურათებსაც იმიტომ იღებენ, რომ მეილები გააგზავნონ, დატვიტონ, ვითომ ვიღაც უარს ამბობს მუშაობაზე. სინამდვილეში, სამუშაო ფორმატებში არ მონაწილეობენ“ _ განაცხადა შალვა პაპუაშვილმა.
