ოპოზიციონერი დეპუტატის, თამარ კორძაიას განცხადებით, სახალხო დამცველობის კანდიდატის პოზიციაზე ლევან იოსელიანს მხარს დაუჭერს. მისი თქმით, იოსელიანი ყველაზე მისაღები კანდიდატია, ვის წინააღმდეგ არგუმენტი ,,ქართულ ოცნებასაც“ არ ექნება.
,,ლევან იოსელიანს ჩემი ხმა ექნება, რადგან პოლიტიკური კონტექსტის გათვალისწინებით, ლევანი ყველაზე მისაღები კანდიდატია. ვფიქრობ, რომ მის წინააღმდეგ არგუმენტი „ქართულ ოცნებასაც“ არ ექნება. ლევან იოსელიანი პრინციპული იყო საგამოძიებო კომისიების შექმნის საკითხზე 5 ივლისთან დაკავშირებით. ლევანი ადამიანის უფლებებში ერკვევა და მხარს უჭერს ქალთა უფლებების დაცვას. ასევე, მხარს უჭერს სამოქალაქო საზოგადოების ინიციატივებს სისხლის სამართლის კოდექსში გაუპატიურების ცვლილებაზე და ა.შ. 12 პუნქტიდან ერთ-ერთი ვალდებულების შესრულება სასიცოცხლო საკითხია და ამ შემთხვევაში ადეკვატური კანდიდატია“ _ განაცხადა თამარ კორძაიამ.
