პარლამენტის დამოუკიდებელი დეპუტატი, თამარ კორძაია საპარლამენტო ბოიკოტის რეჟიმში გადადის. მისი შეფასებით, შეთანხმების ანულირება სახელმწიფოებრივად დამაზიანებელია და ქვეყნის დასავლურ კურსს საფრთხის ქვეშ აყენებს, ამ მიზეზით იგი ,,ქართულ ოცნებასთან“ თანამშრომლობას შეუძლებლად მიიჩნევს.
,,შეთანხმების ანულირებულად გამოცხადება სცდება ყოველგვარ ზღვარს და საფრთხის ქვეშ აყენებს ქვეყნის დასავლურ კურსს
უკიდურესად აღრმავებს დაპირისპირებას და არის სახელმწიფოებრივად დამაზიანებელი როგორც საშინაო, ისე საგარეო ვითარების გამწვავების თვალსაზრისით.
ანულირება გულისხმობს დაგეგმილი რეფორმებისა და პოლიტიკური მომავლის შესახებ შეთანხმებაზე უარის თქმას, ამიტომ ჩემთვის, როგორც დამოუკიდებელი პარლამენტის წევრისთვის, რომელმაც ინდივიდუალურად მოვაწერე ხელი შეთანხმებას, წარმოუდგენელი და შეუძლებელია მსგავს პოლიტიკურ ძალასთან ამ ვითარებაში თანამშრომლობა!“ _ წერს კორძაია სოციალურ ქსელში.
