6 წლის ბავშვმა დედის ლეგალურად შეძენილი იარაღი გამოიყენა და სკოლაში მასწავლებელს ესროლა. შემთხვევა აშშ-ში, ვირჯინიის შტატში 6 იანვარს მოხდა. ადგილობრივი პოლიციის განცხადებით, ბავშვმა იარაღი სკოლაში ზურგჩანთით შეიტანა და გაკვეთილის მსვლელობისას მასწავლებელს აბიგაილ ები ზვერნერს განზრახ ესროლა. მასწავლებელმა დანარჩენი მოსწავლეების კლასიდან გაყვანა მოახერხა, სანამ საშველად ვინმეს დაუძახებდა.
ამჟამად 25 წლის მასწავლებელი საავადმყოფოში რჩება, მისი მდგომარეობა სტაბილურია. სკოლაში საგაკვეთილო პროცესი მთელი კვირის განმავლობაში შეწყვეტილი იქნება. შემთხვევის შემდეგ 6 წლის ბავშვი პოლიციამ დააკავა.
