აშშ-ში აბორტის უფლების მოთხოვნით გამართულ საპროტესტო აქციაზე 34 ადამიანი, მათ შორის 16 კონგრესმენი დააკავეს. ამის შესახებ ინფორმაციას BBC ავრცელებს. აქცია უზენაესი სასამართლოს წინ მიმდინარეობდა
აქციის მონაწილეები სპეციალურად დამზადებულ მწვანე ბანდანებს ატარებდნენ. პოლიციამ ისინი მაშინ დააკავა, როდესაც ქუჩის გადაკეტვას და მოძრაობის ბლოკირებას ცდილობდნენ.
Twitter-ზე აშშ-ის კაპიტოლიუმის პოლიციის განცხადება გავრცელდა: ,,დემონსტრანტები იწყებენ ქუჩის გადაკეტვას. მოძრაობის გადაკეტვა კანონს ეწინააღმდეგება, ამიტომ ოფიცრები დაკავების დაწყებამდე მათ სამ გაფრთხილებას მისცემენ“.
შეგახსენებთ, ამერიკის შეერთებული შტატების უზენაესი სასამართლოს გადაწყვეტილებით, შტატებს აბორტის აკრძალვის ან გარკვეული შეზღუდვის დაწესების უფლება ინდივიდუალურად ექნებათ. სასამართლომ აღნიშნული გადაწყვეტილება 24 ივნისს მიიღო.
