ამერიკაში მცხოვრები ქართველი პიანისტი მარინა გაბუნია გარდაცვლილი გერის ძაღლმა დაგლიჯა. სამსახურიდან დაბრუნებულმა ქმარმა ქალი ეზოში გარდაცვლილი იპოვა. შემთხვევა ოთხშაბათს, 27 ივლისს მოხდა. კაცმა პოლიცია გამოიძახა, ძაღლი ადგილზე მისულ ერთ-ერთ სამართალდამცველს თავს დაესხა, რის შემდეგაც ძაღლი მოკლეს, ხოლო დაშავებული კლინიკაში გადაიყვანეს.
პიტბული ქალის გერს ეკუთვნოდა, რომელიც რამდენიმე კვირით ადრე მოტოციკლით ავარიაში მოყვა და გარდაიცვალა. გარდაცვალებამდე ის ძაღლთან ერთად მშობლების სახლში ცხოვრობდა, მისი სიკვდილის შემდეგ კი ძაღლს მშობლები უვლიდნენ.
