შეერთებული შტატების კურსი საქართველოს მიმართ 30 წელია არ შეცვლილა, დარწმუნებული ვარ ეს ხაზი გაგრძელდება. აცხადებს ,,მოქალაქეების“ ლიდერი ალეკო ელისაშვილი.
დეპუტატის განცხადებით, მსოფლიოს მრავალი ქვეყნის მიერ სამხრეთ ოსეთის არაღიარებაც შეერთებული შტატების დამსახურებაა.
,,შეერთებული შტატები რომ არ იყოს, ჯერ ერთი რუსეთის ტანკები შემოგრიალდებოდნენ, მერე ჩვენ ვიქნებოდით დაბეჩავებული და გავერანებული ქვეყანა. მათი ფინანსური თუ პოლიტიკური მხარდაჭერით არის, რომ კიდევ რაღაცას გავს საქართველო, თუნდაც არაღიარების პოლიტიკა, ჩვენი საგარეო საქმეთა მინისტრის კი არ ეშინია დანარჩენ მსოფლიოს, რომლებსაც ერთი სული აქვთ ფული აიღონ რუსეთისგან და აღიარონ სამხრეთ ოსეთი, მაგრამ ამას არ აკეთებენ იმის გამო, რომ შეერთებული შტატები აქტიურობს ყველა იმ ქვეყანაში. აქედან დაწყებული, და ზოგადად მთელი 30 წლის განმავლობაში შეერთებული შტატები არის ჩვენი მართლა მტკიცე და თანამიმდევრული მეგობარი და სტრატეგიული პარტნიორი. მე მჯერა, რომ ზუსტად ამ ხაზს ატარებდა ქალბატონი დეგნანი, რომელიც იყო ძალიან კარგი ელჩი და დარწმუნებული ვარ ეს ხაზი გაგრძელდება ისევ“ _ განაცხადა ალეკო ელისაშვილმა.
ჯო ბაიდენის ადმინისტრაციამ საქართველოში აშშ-ის ელჩის თანამდებობაზე რობინ დანიგანის კანდიდატურა წარადგინა. ის კელი დეგნანს შეცვლის, რომელიც ამ პოსტს 2020 წლის 29 იანვრიდან იკავებს.
