ბრიუსელი დეოლიგარქიზაციის კანონპროექტს უყურებს როგორც არასერიოზულ დამოკიდებულებას ბრიუსელის მიმართ. ამის შესახებ ,,გირჩი - მეტი თავისუფლების“ ლიდერმა, ზურაბ ჯაფარიძემ განაცხადა. მისი თქმით, დეოლიგარქიზაციის კანონი საქართველოსთვის სეუსაბამოა.
,,ამ კანონთან მიმართებით მათი პოზიცია არის ის, რომ ეს კანონი გადმოთარგმნილია უკრაინული ვერსიიდან, შესაბამისად საქართველოს შეუსაბამოა, რაზედაც „ქართული ოცნებიდან“ გვითხრეს, რომ „რატომ უკრაინაში თუ იმუშავა, ჩვენთან არა?“ შემდეგ ავუხსენით, რომ ეს არის უკრაინულ რეალობაზე მორგებული, შესაბამისად ოლიგარქის განმარტება არის ის, რაც ჯდებოდა უკრაინული გაგებით ოლიგარქში. ამაზე გვითხრეს, რომ მაინც ამას დავტოვებთო. შემდეგ ბრიუსელიდან „ოცნებას“ ურჩიეს, რომ გადააგზავნეთ ვენეციის კომისიაში და დაველოდოთ პასუხებსო. ბრიუსელი ამ კანონპროექტს უყურებს როგორც არასერიოზულ დამოკიდებულებას ბრიუსელის მიმართ“ _ განაცხადა ჯაფარიძემ.
საქართველოს პარლამენტი „დეოლიგარქიზაციის შესახებ“ კანონპროექტის განხილვას დღეიდან იწყებს. მმართველი გუნდის მიერ ინიცირებულ კანონის პროექტზე დღეს იურიდიულ საკითხთა კომიტეტის სხდომაზე იმსჯელებენ.
