,,გირჩი - მეტი თავისუფლებას“ ლიდერმა ზურა ჯაფარიძემ პარლამენტს უფლებამოსილების შეწყვეტის თაობაზე ოფიციალურად მიმართა. განცხადება საპროცედურო საკითხთა და წესების კომიტეტს უკვე წარედგინა და მას კომიტეტი წარდგენიდან მერვე დღეს განიხილავს, შემდეგ კი საკითხს პლენარულ სხდომაზე გაიტანენ.
ზურა ჯაფარიძის გადაწყვეტილებას საქართველოს პარლამენტის თავმჯდომარის პირველი მოადგილე, გია ვოლსკი გამოეხმაურა.
,,როცა პოლიტიკური ლიდერი და ,,ნაცმოძრაობის" განუყოფელი წევრი ხარ, ჩამდგარი ხარ დესტაბილიზაციის შექმნის იდეის სამსახურში, რასაკვირველია, პარლამენტში ვერ იმუშავებ. თუკი გინდა, რომ ეს ლიდერის პოზიცია შეინარჩუნო, უნდა გახვიდე იმ არედან, სადაც საერთოდ არ მუშაობ. უნდა მიიღოს შესაბამისი გადაწყვეტილება“ _ განაცხადა გია ვოლსკიმ.
