ჩემი შვილები 16, 15 და 14 წლის არიან, მაგრამ მათი სამხედრო მომზადება ადრეული ასაკიდან დაიწყო - აცხადებს ჩეჩნეთის ლიდერი რამზან კადიროვი, რომლის თქმითაც, ის შვილებს რუსეთის მიერ უკრაინის წინააღმდეგ წარმოებულ ,,სპეციალურ ოპერაციაში“ მონაწილეობის მისაღებად უშვებს. როგორც იგი ამბობს, ეს მათი სურვილი იყო, რასაც ის მხოლოდ მიესალმება.

,,ჩემი შვილები 16, 15 და 14 წლის არიან, მაგრამ მათი სამხედრო მომზადება დიდი ხნის წინ, ადრეული ასაკიდან დაიწყო. არ ვხუმრობ. დადგა დრო, რომ თავი გამოიჩინონ ნამდვილ ბრძოლაში და მე მხოლოდ მივესალმები მათ სურვილს. მალე ისინი ფრონტის ხაზზე წავლენ და კონტაქტის ხაზის ურთულეს მონაკვეთებზე იქნებიან“ _ წერს კადიროვი.