მაშინ, როცა საქართველო ერთ-ერთი ლიდერი ქვეყანაა უკრაინის მხარდაჭერის თვალსაზრისით და ამაზე არ კეთდება აქცენტი, ეს უკვე მათი მხრიდან არ არის რელევანტური. ამის შესახებ ,,ქართული ოცნების“ წევრმა რატი იონათამიშვილმა განაცხადა. იგი საქართველოში უკრაინის საქმეთა დროებითი რწმუნებულის ანდრეი კასიანოვის სტატიას. როგორც იონათამიშვილმა აღნიშნა, უხერხულია საუბარი იმ იარაღის გადაცემაზე, რომელიც საქართველოს საკმაოდ ძვირად აქვს ნაყიდი.
,,უხერხულია იმ იარაღის გადაცემა-გადმოცემაზე საუბარი, რომელიც საქართველოს საკმაოდ ძვირად აქვს ნაყიდი. მთელი ეს რიტორიკა საუკეთესო მაგალითია ლუსტრაციისთვის – ვინ უჭერს მხარს, რომ საქართველოში იყოს არეულობა „ომის პარტიის“ მხრიდან და რა მიზნები აქვს არეულობას – თუ საქართველოში დატრიალდება უბედურება, მათ შანსი ჰქონდეთ, რაღაც სარგებელი იპოვონ.
„ნაცმოძრაობის“ ამ მოღალატეობრივ მიზნებს განხორციელება არ უწერია. როცა ომში მყოფი ქვეყანა ითხოვს შეიარაღებულ მხარდაჭერას, ეს უცნაური შეიძლება არ იყოს, მაგრამ მაშინ, როცა საქართველო ერთ-ერთი ლიდერი ქვეყანაა უკრაინის მხარდაჭერის თვალსაზრისით და ამაზე არ კეთდება ხაზგასმა, ცხადია, ეს უკვე მათი მხრიდან რელევანტური არ არის“ _ განაცხადა იონათამიშვილმა.
უკრაინულ მედიაში გავრცელდა საქართველოში უკრაინის საქმეთა დროებითი რწმუნებულის, ანდრეი კასიანოვის სტატია, რომელშიც ნათქვამია, რომ კიევმა თბილისს სთხოვა გადაეცა ,,ბუკ“-ის სარაკეტო კომპლექსები, რომელიც საქართველომ უკრაინისგან 2008 წელს მიიღო. კასიანოვის თქმით, უკრაინამ საქართველოსგან დახმარებაზე კატეგორიული უარი მიიღო.
