ჩეჩნეთის ხელმძღვანელი რამზან კადიროვი ახალი ინიციატივით გამოვიდა და განაცხადა, რომ მთელ უკრაინაში სპეცოპერაციის მეორე ეტაპი უნდა დაიწყოს. მისი თქმით, ჩეჩნეთი მზად არის შეასრულოს რუსეთის პრეზიდენტის ვლადიმერ პუტინის ნებისმიერი დავალება მსოფლიოს ნებისმიერ წერტილში.
„მეორე ეტაპი უნდა დაიწყოს. სპეცოპერაცია უნდა ჩატარდეს არა მხოლოდ ლუგანსკისა და დონეცკის ტერიტორიაზე, არამედ უკრაინის მთელ ტერიტორიაზე, რადგან მსოფლიოს ყველა სახელმწიფო თავხედურად ეხმარება უკრაინას იარაღით, და ეს იარაღი უკვე ადგილობრივ მოსახლეობაზეც იყიდება. ეს არის მსოფლიო ქაოსი, უკანონობა. იმისთვის, რომ ეს არ გაგრძელდეს, ამას ბოლო უნდა მოეღოს, დაიწყოს მეორე ეტაპი. გადადით სხვა ქალაქებში - ხარკოვში, კიევში, ყველა ქალაქში. შექმენით მთავრობა, რომელიც ჩვეულებრივ მართავს თავის ხალხს“ _ მოუწოდა რუსეთს ჩეჩნეთის ხელმძღვანელმა თავის ტელეგრამზე.
კადიროვის თქმით, აუცილებელია ყველა სხვა სახელმწიფოსთან დიალოგის გაგრძელება:
„თუ მათ სურთ სანქციები, ჩვენ ვიბრძოლებთ სანქციების წინააღმდეგ, თუ მათ სურთ ომი, ჩვენ ვიბრძოლებთ. ჩვენ ყველაზე უკეთ ვიცით როგორ ვიბრძოლოთ. როგორც მეომარი, ვთხოვ რუსეთის სახელმწიფოს ხელმძღვანელობას მიიღოს გადაწყვეტილება რაც შეიძლება მალე. ჩვენ მზად ვართ შევასრულოთ ნებისმიერი დავალება მსოფლიოს ნებისმიერ კუთხეში. ვლადიმერ ვლადიმეროვიჩ, ველოდებით დაკვეთას!” - აცხადებს კადიროვი.
