რუსეთის საგარეო საქმეთა მინისტრის სერგეი ლავროვის თქმით, აშშ-ის წარმომადგენელთა პალატის სპიკერის ნენსი პელოსის ტაივანში ვიზიტი ვაშინგტონის მხრიდან ჩინეთის გაღიზიანების მიზანმიმართული მცდელობაა. ამის შესახებ ინფორმაციას reuters-ი ავრცელებს. ლავროვმა გააკრიტიკა შეერთებული შტატები და განაცხადა, რომ ის დაუსჯელად მოქმედებს.

,,არ ვიცი რამ უბიძგათ ან რა მოტივით იყო მათი ეს ქმედება განპირობებული, მაგრამ ეჭვი არ მეპარება, რომ ეს იგივე ხაზს ასახავს, ​​რაზეც ჩვენ ვსაუბრობთ უკრაინის ვითარებასთან დაკავშირებით. ეს არის სურვილი, ყველას დაუსჯელობა დაამტკიცონ და გამოავლინონ ამის მიმღებლობა. ეს ნიშნავს რაც მინდა იმას უკან მივუბრუნდე. მე ვერ ვხედავ სხვა მიზეზს, რომ ასეთი გამაღიზიანებელი სიტუაცია შეიქმნას თითქმის სრულიად მოულოდნელად. კარგად ვიცი, თუ რას ნიშნავს ეს ჩინეთისთვის“ _ განაცხადა ლავროვმა.

ცნობისთვის, ჩინეთის გაფრთხილების მიუხედავად, რომ აშშ-ის წარმომადგენელთა პალატის სპიკერის ვიზიტს აშშ-სა და ჩინეთს შორის დაძაბულობა მოჰყვებოდა, ნენსი პელოსი 2 აგვისტოს ტაივანს მაინც ეწვია. აღნიშნულ ვიზიტს პეკინის მხრიდან, ტაივანთან არსებული კონფლიქტის ფონზე, მწვავე რეაქცია მოჰყვა.

პელოსის ვიზიტი დაგეგმილი არ ყოფილა, ის ტაივანს აზიური ტურნეს ფარგლებში ესტუმრა. პეკინი ტაივანს საკუთარ ტერიტორიად მიიჩნევს, თუმცა რეალურად არც კუნძულს და არც ტაივანის მთავრობას არ აკონტროლებს.