რუსეთი უკრაინას თავს არ დასხმია, შეიქმნა სიტუაცია, რომელიც რუსეთის ფედერაციას საფრთხეს უქმნიდა. ამის შესახებ რუსეთის საგარეო საქმეთა მინისტრმა სერგეი ლავროვმა თურქეთში პრესკონფერენციაზე განაცხადა. ხოლო ჟურნალისტების შეკითხვას, აპირებს თუ არა რუსეთი სხვა ქვეყნებზე ტავდასხმას, მან უპასუხა, რომ არ აპირებს.
,,ჩვენ არ ვგეგმავთ სხვა ქვეყნებზე თავდასხმას. რუსეთი არც უკრაინას დასხმია თავს. ჩვენ არაერთხელ განვმარტეთ, შეიქმნა სიტუაცია, რომელიც რუსეთის ფედერაციას უშუალოდ უქმნიდა საფრთხეს. ამიტომ არის საჭირო უკრაინის დემილიტარიზაცია და დენაციფიკაცია, რათა იქ არ განვითარდეს ნეონაცისტური სახელმწიფო. რაც შეეხება ლუგანსკისა და დონეცკის ოლქებში მომხდარ მოვლენებს, თავდასხმა ამ რესპუბლიკებზე ძალზე გულდასმით მზადდებოდა“ _ განაცხადა სერგეი ლავროვმა.
