ევროპაში რეკორდულად მაღალი სიცხისგან გამოწვეულ ტყის ხანძრებს ებრძვიან, გაეროს მსოფლიო მეტეოროლოგიური ორგანიზაციის (WMO) ცნობით, უკიდურესად მაღალ სიცხეებს მომავალშიც უნდა ელოდონ
”მომავალში ასეთი სიცხეები ნორმალური იქნება და უფრო ძლიერ სიცხეებსაც უნდა ველოდოთ” _ თქვა მეტეოროლოგიური ორგანიზაციის ხელმძღვანელმა პეტერი ტაალასმა.
ლონდონის აღმოსავლეთში, ვენნინგტონში გაჩენილმა დიდმა ხანძარმა სახლები გაანადგურა. საფრანგეთში ორშაბათს 64 სხვადასხვა რაიონში რეკორდულად მაღალი ტემპერატურა დაფიქსირდა. ბელგიაში სიცხისგან გამოწვეული ხანძრის შედეგად რამდენიმე მანქანა დაიწვა. პორტუგალიაში გადაჭარბებული სიცხის გამო დაღუპულთა რიცხვი გაიზარდა. იტალიაში სინოპტიკოსების ცნობით, მომდევნო დღებში ტემპერატურა 40-42 გრადუსს მიაღწევს.
