ოპოზიცია მათ პოლიტიკური შოუს ელემენტებსა და პოლიტიკურ ტრიბუნას სგვთავაზობს, რაც საწყისშივე ეწინააღმდეგება ევროპული კომისიის პირველივე პუნქტს – დეპოლარიზაციაზე. ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა. მისივე თქმით, ოპოზიციის ნაწილი სამუშაო ჯგუფის შეხვედრებს არ ესწრება
კომიტეტებისა თუ პლენარული სხდომის მოწვევას ვერავინ დაგვასწრებს. კომიტეტების სხდომა ჩატარდა და მას ოპოზიციის ბევრი წარმომადგენელი არ ესწრებოდა. ეს არის საბოტაჟი ხალხის ნების წინააღმდეგ. ოპოზიცია პროცესის გადაყვანას ასეთ რეჟიმში რომ ცდილობს, ეს არის მაგიდის აყირავება ქვეყნის ევროპული პერსპექტივისთვის. ნაცვლად იმისა, რომ ოპოზიცია სამუშაო პროცესში იყოს ჩართული და ჩვენთან ერთად აკეთებდეს საქმეს, რაც საჭიროა ქვეყნის ევროპული პერსპექტივისა და ხალხის არჩევანის პატივისცემისთვის, ამ დროს საქმიანი ფორმატის ნაცვლად, ოპოზიცია პოლიტიკური შოუს ელემენტებსა და პოლიტიკურ ტრიბუნას გვთავაზობს, რაც საწყისშივე ეწინააღმდეგება ევროპული კომისიის პირველივე პუნქტს – დეპოლარიზაციაზე. ამიტომ ჩვენი ამ პროცესში მონაწილეობა ნიშნავს და უდრის პოლარიზაციის გაღრმავებას. შესაბამისად, ჩვენ ამ პროცესში მონაწილეობა რომ მივიღოთ, ეს რეკომენდაციების პირველივე პუნქტის საწინააღმდეგოა და არ შეესაბამება დეპოლაროზაციის გეგმას. ჩვენ ვმუშაობთ ქვეყნის ევროპული პერსპექტივისთვის, თუ შემოგვიერთდებიან კარი ღიაა“ _ განაცხადა ანრი ოხანაშვილმა.
