ევროკომისია საქართველოს წევრობის სტატუსის მინიჭების საკითხს 2022 წლის დეკემბერში აღარ განიხილავს. ევროკომისიის წარმომადგენლის, მიხაელ რუპის განცხადებით, მათ გადაწყვიტეს საქართველო დასახული პრიორიტეტების შესრულებაში არ დააჩქარონ და საკითხის განხილვა გადადეს. ევროკომისია ევროპულ საბჭოსთან შეთანხმებით რეკომენდაციებზე შეფასებას 2023 წლისთვის მოამზადებს.
,,ჩვენ დაინტერესებულები ვართ, რომ საქართველომ იმუშაოს ღრმად და საფუძლიანად პრიორიტეტების შესრულებაზე. შესაბამისად, განხილვების შემდეგ გადავწყვიტეთ, რომ არ დავაჩქაროთ ქართული პოლიტიკური ელიტა ქვეყნის დეპოლარიზაციის საკითხსა და რეფორმებზე სიღრმისეულ მუშაობაში. როგორც ევროპულმა საბჭომ გვთხოვა, ჩვენ მოვამზადებთ ანგარიშს, თუ როგორ არის შესრულებული გაწერილი პრიორიტეტები, 2023 წლისთვის. ეს საქართველოს პოლიტიკურ სისტემას საკმარის დროს მისცემს, რათა სიღრმისეულად იმუშაოს აღნიშნულ პრიორიტეტებზე" _ აღნიშნა ევროკომისიის წარმომადგენელმა საგარეო ურთიერთობათა კომიტეტის სხდომაზე.
