,,მოქალაქეების“ ლიდერი, პარლამენტის ვიცე სპიკერი ლევან იოსელიანი ევროკომისიის გადაწყვეტილებას ეხმაურება და იმ მოთხოვნებს ასახელებს, რომელიც საქართველომ უნდა შეასრულოს, წინააღმდეგ შემთხვევაში, მისი თქმით, ქვეყანას ევროპული პერსპექტივა არ ექნება.

,,საკითხი მარტივად დგას, ან დავიწყებთ ქვემოთ ჩამოთვლილი მოთხოვნების შესრულებას ან დავრჩებით უპერსპექტივო "ევროპული პერსპექტივის" ქვეყნად:

პოლიტიკური პოლარიზაციის საკითხის მოგვარება, 19 აპრილის შეთანხმების შესრულება, პოლიტიკურ პარტიებს შორის თანამშრომლობის უზრუნველყოფის გზით.

ყველა სახელმწიფო ინსტიტუტის სრული ფუნქციონირება, მათი დამოუკიდებელი და ეფექტური ანგარიშვალდებულების გაძლიერება, საარჩევნო ჩარჩოს შემდგომი გაუმჯობესება, ეუთო/ODIHR-ის და ევროპის საბჭოს/ვენეციის კომისიის მიერ გამოვლენილი ყველა ხარვეზის აღმოფხვრა ამ პროცესებში.

ეფექტური სასამართლო რეფორმის განხორციელება. დამოუკიდებელი, გამჭვირვალე და პარტიული გავლენებისგან დაცლილი სასამართლო.

ანტიკორუფციული სააგენტოს დამოუკიდებლობის გაძლიერება

დეოლიგარქიზაცია

ორგანიზებული დანაშაულის წინააღმდეგ ბრძოლა

ადამიანის უფლებების დაცვის გაძლიერება.

განსაკუთრებით გენდერული თანასწორობის გაძლიერება და ქალთა მიმართ ძალადობის წინააღმდეგ ბრძოლა.

სამოქალაქო საზოგადოების ჩართულობა გადაწყვეტილების მიღების პროცესში ყველა დონეზე;

საქართველოს სასამართლოებმა განხილვისას გაითვალისწინონ ადამიანის უფლებათა ევროპული სასამართლოს გადაწყვეტილებები;

ახალი სახალხო დამცველის (ომბუდსმენის) წარდგენის პროცესში უპირატესობა დამოუკიდებელ პირს მიენიჭოს და ეს პროცესი გამჭვირვალედ წარიმართოს; უზრუნველყოს ოფისის ეფექტური ინსტიტუციური დამოუკიდებლობა“ _ წერს ლევან იოსელიანი სოციალურ ქსელში.