ვამბობთ, რომ არ დავიმსახურეთ. მაგრამ დავიმსახურეთ იმის მერე, რაც გააკეთა ქვეყანამ 30 წლის მანძილზე, ისე ჩამოვრჩით ჩვენს ორ მეგობარ და პარტნიორ ქვეყანას, რომ ჩვენი ბრალია აბა ვისი? საქართველოს პრეზიდენტმა სალომე ზურაბიშვილმა ევროკომისიის გადაწყვეტილებაზე კომენტარი გააკეთა. როგორც იგი აღნიშნავს, ეს არ არის საბოლოო გადაწყვეტილება და ევროპას ჩვენთვის უარი არ უთქვამს.
მისივე თქმით, სტატუსი არ მიგვიღია, მაგრამ გაცილებით მეტი მივიღეთ და ეს ევროპული პერსპექტივაა.
ფაქტი ფაქტია და ფაქტს ვერ გავექცევით, მაგრამ ფაქტები იმას არ ნიშნავს, რომ ჩვენ ფარ-ხმალი უნდა ჩამოვყრათ, ეს არ არის არც ქართული ხასიათი არც ქალების ხასიათი. არც იმედგაცრუების და არც წუწუნის დრო არ არის, რაც მოგვივიდა დღეს, არის გაფრთხილება- რაც მოგივა დავითაო, მხოლოდ შენი თავითაო, ჩვენი ბრალია. ვამბობთ, რომ არ დავიმსახურეთ. მაგრამ დავიმსახურეთ იმის მერე, რაც გააკეთა ქვეყანამ 30 წლის მანძილზე, ისე ჩამოვრჩით ჩვენს ორ მეგობარ და პარტნიორ ქვეყანას, რომ ჩვენი ბრალია აბა ვისი? ევროპამ არ გადაგვაგდო, ევროპამ არ გვითხრა უარი, პირიქით. როგორც ჩანს, ჯერ მხოლოდ ურსულას ბრიფინგიდანაა პირველი ცნობები, რაც ვრცელდება. კანდიდატის სტატუსი არ მიგვიღია, მაგრამ მივიღეთ ისეთი რამ, რაზედაც არც ვიოცნებებდით. მივიღეთ ევროპული პერსპექტივა, გაწევრიანების პერსპექტივა. ეს არის ის, რაც აქამდე არავის არ უთქვამს ჩვენთვის“ _ განაცხადა სალომე ზურაბიშვილმა.
