დღეს რუსთაველზე მოსული ადამიანების რაოდენობა არ მაინტერესებს, ისევე, როგორც ზურაბიშვილის, რადგან იქაც სწორი მოთხოვნა იყო. დღეს მივალ და დავდგები, რადგან გაბრაზებული ვარ იმის გამო, რომ ჩვენს მოქალაქეებს კეთილდღეობა შეუფერხეს. ამის შესახებ ოპოზიციონერმა დეპუტატმა დავით უსუფაშვილმა განაცხადა.

,,ოლიგარქი არის ადამიანი, რომელიც თავის ფინანსურ საშუალებებს და ბერკეტებს იყენებს როგორც თავის გასამდიდრებლად, ისე საჯარო ცხოვრების მოსაწყობად, მის ჭკუაზე ქვეყნის სატარებლად. საქართველოში ასეთი ადამიანი ერთადერთია პოტენციურიც და რეალურიც. ამიტომ საქართველოში ამას დებიძინიზაცია ჰქვია. ის ევროპას თავიდანვე დაჰპირდა ერთი წელი ვიქნები და წავალო, ვერ წავიდა, მოვიდა, წავიდა, მიდის, მოდის. მთავარი პრობლემა ისაა, აქ ხალხი რომ ზის და ლაპარაკობს ხან იმაზე – ევროპა უსამართლოდ ექცევათ, ან ევროპამ რა კარგი რამე მოგვცა და ამას შევასრულებთო. საკმარისია იმ ერთმა ადამიანმა სხვა რამე თქვას, ის 80 ადამიანი ეგრევე გადატრიალდება და ფირფიტას შეატრიალებს. ესაა ოლიგარქობა და ეს უნდა დავასრულოთო, გვითხრეს, რასაც თვითონ ბიძინა ამბობდა, არ ვიზამო, მაგრამ ქნა“ _ განაცხადა დავით უსუფაშვილმა.